चैत ४ गते, अछाम — आइतबार बेलुकी अछामको मेल्लेख गाउँपालिका–६ षोडशाकीमा चट्याङ पर्दा दुई दिदीबहिनी घाइते भएका छन्। घाइते हुनेमा १९ वर्षीया मेनुका बोहरा र ११ वर्षीया निर्मला बोहरा रहेका छन्।
अछाम प्रहरीका अनुसार मेनुकालाई बाहिरी चोटपटक नदेखिए पनि उनी बोल्न नसक्ने अवस्थामा छिन् भने निर्मला सामान्य रूपमा घाइते भएकी छन्। घाइते दिदीबहिनीको उपचारका लागि एम्बुलेन्समार्फत वयलपाटा अस्पताल लगिएको प्रहरीले जनाएको छ।
चट्याङ स्थानीय रतिराम बोहराको दुईतले चार कोठे घरमा परेको थियो। घटनाबारे थप अनुसन्धान भइरहेको अछामका प्रहरी नायब उपरीक्षक ईश्वरीप्रसाद भण्डारीले जानकारी दिनुभयो।
.jpeg)
Posts
