Breaking Posts

6/trending/recent
Type Here to Get Search Results !

घर पोत्ने माटो लिन गएकी एक महिलाको ढिस्कोले पुरिएर ज्यान गयो, ४ जना घाइते - Brighter Network


फाल्गुन २८, 

सिमकोट (हुम्ला) । हुम्लाको सर्केगाड गाउँपालिका–७, रोडिकोटस्थित राहकोटमा माटो लिन गएका पाँच महिलामध्ये एक जनाको माटोको ढिस्कोले पुरिँदा घटनास्थलमै मृत्यु भएको छ भने अन्य चार जना घाइते भएका छन्।


बुधबार बिहान घर लिपपोतका लागि माटो खनिरहेका बेला माथिबाट आएको ढिस्कोले २८ वर्षीया नेत्रकला जैसीलाई पुरेको थियो। उनको घटनास्थलमै मृत्यु भएको जिल्ला प्रहरी कार्यालय हुम्लाका सूचना अधिकारी सुरेश सुवेदीले जानकारी दिए।


उक्त घटनामा अन्य चार महिला पनि घाइते भएका छन्। घाइते हुनेमा सोही ठाउँकी २५ वर्षीया तीर्थकला जैसी, २७ वर्षीया जालकी जैसी, २० वर्षीया लक्ष्मी जैसी र २६ वर्षीया मञ्जु जैसी रहेका छन्। उनीहरूको अवस्था सामान्य रहेको जनाइएको छ।

Top Post Ad

post bottom ads

Ads Bottom