नवलपरासी (बर्दघाट सुस्तापूर्व) — विनयी त्रिवेणी गाउँपालिका–२ स्थित दाउन्ने ओरालोमा आज साँझ एक बस दुर्घटना हुँदा एक महिलाको मृत्यु भएको छ भने केही यात्रु घाइते भएका छन्।
बर्दिया बाट आइरहेको बा प्र ०६–००१ ख ०१९६ नम्बरको बस अनियन्त्रित भई पल्टिएको हो। दुर्घटनामा परी एक महिलाको घटनास्थलमै मृत्यु भएको जिल्ला प्रहरी कार्यालयले जनाएको छ। घाइतेहरुको उद्दार गरी उपचारका लागि स्थानीय अस्पताल पठाइएको छ।
दुर्घटनाको कारण खुल्न बाँकी रहे पनि तीव्र गतिका कारण दुर्घटना भएको हुन सक्ने प्रारम्भिक अनुमान गरिएको छ। घटनाबारे थप अनुसन्धान भइरहेको प्रहरीले जनाएको छ।
.jpeg)
Posts
