प्रहरीका अनुसार बिर्तामोडस्थित मनमोहन मेमोरियल सामुदायिक अस्पतालबाट बिरामी लिएर प्रस्थान गरेको प्र १–०१–००२ च ०११५ नम्बरको एम्बुलेन्स तीव्र गतिका कारण अनियन्त्रित भई सडकको बीचमा रहेको डिभाइडरमा ठोक्किँदा दुर्घटना भएको हो।
झापा प्रहरी कार्यालयका प्रवक्ता डीएसपी खगेन्द्रबहादुर खड्काका अनुसार घाइतेमध्ये झापा अर्जुनधारा–१० की १९ वर्षीया आरजु राई, २० वर्षीय विशाल लिम्बू, ५१ वर्षीया मीना लिम्बू, २१ वर्षीय अन्जेश लिम्बू, २३ वर्षीया वर्षा लिम्बू र बिर्तामोड–५ का ३५ वर्षीय एम्बुलेन्स चालक कमल अधिकारी रहेका छन्।
घाइतेहरूमध्ये आरजु राईको टाउकोमा चोट लागेकाले उनको अवस्था गम्भीर रहेको जनाइएको छ। सबै घाइतेको उपचार बिर्तामोडस्थित बी एन्ड सी अस्पतालमा भइरहेको प्रहरीले जानकारी दिएको छ।
दुर्घटनामा परेकी ५१ वर्षीया मीना लिम्बू बिरामी नै हुन्। उनी केही समयदेखि खुट्टाको समस्याबाट ग्रस्त थिइन् र मनमोहन अस्पतालमा उपचाररत थिइन्। चिकित्सकको सिफारिसमा थप उपचारका लागि विराटनगर लगिँदै गर्दा एम्बुलेन्स दुर्घटनामा परेको हो।
घटनाबारे थप अनुसन्धान भइरहेको प्रहरीले जनाएको छ।
.jpeg)
Posts
