स्याङ्जा, २०८१ फागुन १८ – स्याङ्जा जिल्लाको पुतलीबजार नगरपालिका–११, बगालेथोकमा आगलागी भएको छ। आज दिउँसो करिब ४:०० बजे मात्रिकाराज आर्यालको दुईतले टिनले छाएको घरको माथिल्लो तलामा विद्युतीय सर्टका कारण आगलागी भएको हो।
आगलागीबाट कोठामा रहेका वासिङ मेसिन, काठका दराज, खाट, कपडा लगायतका सामग्री जलेर नष्ट भएका छन्। स्थानीय बासिन्दा तथा सुरक्षाकर्मीको सहयोगमा आगो पूर्ण रूपमा नियन्त्रणमा ल्याइएको छ।
घटनामा कुनै मानवीय क्षति भने भएको छैन। घटनाको थप विवरण संकलन भइरहेको स्थानीय प्रशासनले जनाएको छ।
.jpeg)
Posts
