शुक्रबार मध्य म्यानमारको सागिङ सहरको उत्तरपश्चिम क्षेत्रमा ७.७ म्याग्निच्युडको भूकम्प गएको थियो, जसपछि केही मिनेटमै ६.७ म्याग्निच्युडको पराकम्पन आएको थियो।
यस विनाशकारी भूकम्पले म्यानमारमा हजारौँ संरचनामा क्षति पुर्याएको छ। भवन, पुल, सडकहरू ध्वस्त भएका छन् भने १७ लाखभन्दा बढी मानिसका घरमा असर परेको छ।
म्यानमार सरकारले जारी गरेको विज्ञप्तिअनुसार भूकम्पमा परी कम्तीमा १,००२ जनाको ज्यान गएको छ भने करिब २,४०० जना घाइते भएका छन्। थाइल्यान्डको बैङ्ककमा समेत भूकम्पको असर देखिँदा थप १० जनाको मृत्यु भएको र कम्तीमा १०० जना बेपत्ता रहेको पुष्टि भएको छ।
सञ्चार प्रणाली अवरुद्ध भएकाले भूकम्पबाट भएको वास्तविक क्षतिको पूर्ण विवरण प्राप्त गर्न कठिनाइ भइरहेको छ। मृतकको सङ्ख्या अझै बढ्न सक्ने अनुमान गरिएको छ।
विमानस्थल तथा सडकहरू बन्द भएकाले राहत तथा उद्धार सामग्री वितरणमा समस्या भइरहेको सम्बन्धित अधिकारीहरूले बताएका छन्।
.jpeg)
Posts
