चैत २, इटहरी । सुनसरीको इटहरीमा मादक पदार्थ सेवन (मापसे) गरी मोटरसाइकल चलाउँदा भएको दुर्घटनामा एक युवकको ज्यान गएको छ भने एक महिला गम्भीर घाइते भएकी छन्।
शुक्रवार राति करिब १२ बजे इटहरी उपमहानगरपालिका–१२ स्थित सडकमा प्रदेश १–०२–०४८ प ३८७० नम्बरको मोटरसाइकल अनियन्त्रित भई दुर्घटना भएको इलाका प्रहरी कार्यालय इटहरीले जनाएको छ।
दुर्घटनामा विराटनगर महानगरपालिका–१० निवासी २४ वर्षीय पुनम चौधरी गम्भीर घाइते भए। उनलाई तत्काल उद्धार गरी विराट नर्सिङ होम पुर्याइए पनि उपचारकै क्रममा शनिबार बिहान ५:१५ बजे मृत्यु भएको अस्पताल स्रोतले जनाएको छ।
मोटरसाइकलको पछाडि सवार उदयपुर, कटारी नगरपालिका–२ की २८ वर्षीया उमा सुनुवार गम्भीर घाइते भएकी छन्। हाल उनको विराट नर्सिङ होममा उपचार भइरहेको छ। उनको अवस्था पनि गम्भीर रहेको बताइएको छ।
दुर्घटनापछि खनार ट्राफिक प्रहरी चौकीबाट खटिएको टोलीले घटनास्थलको अनुसन्धान गर्दा चालक चौधरीले मादक पदार्थ सेवन गरेको प्रारम्भिक पुष्टि भएको असई राजाराम यादवले जानकारी दिनुभयो।
.jpeg)
Posts
