शान्तिपूर्ण रूपमा सम्पन्न मतदानपछि साँझबाट सुरु भएको मतगणना प्रक्रिया राति असहज परिस्थिति सृजना भएपछि रोकिएको हो। निर्वाचन अधिकृत त्रिविक्रम खनालका अनुसार, मतगणनाको क्रममा विवाद चुलिएपछि अवस्था नियन्त्रणबाहिर जान नदिन मतगणना स्थगित गरिएको हो। सर्वपक्षीय छलफलपछि मात्र मतगणना पुनः सुरु गरिने खनालले जानकारी दिनुभयो।
विवादपछि आक्रोशित भिड क्याम्पस परिसरभित्र प्रवेश गरेर नाराबाजी र हुलहुज्जत गर्न थालेपछि स्थिति नियन्त्रणमा लिन प्रहरीले हस्तक्षेप गरेको थियो। राति १२ बजे झडप बढ्न थालेपछि प्रहरीले दुई राउन्ड हवाई फायर गरेको पाल्पाका प्रमुख जिल्ला अधिकारी तोय नारायण सुवेदीले बताए।
हाल क्याम्पस परिसरमा सुरक्षा व्यवस्था कडा बनाइएको छ। कुल ७१५ मतदाता मध्ये ५७१ जनाले मतदान गरेका थिए। ४७४ मत गनिसकेको अवस्थामा राति १० बजेबाट मतगणना रोकिएको निर्वाचन कार्यालयले जनाएको छ।
.jpeg)
Posts
