Breaking Posts

6/trending/recent
Type Here to Get Search Results !

बोरा भित्र खोलामा भेटिएकी महिलाको विभत्स हत्या : एक नाबालकसहित पाँच जना पक्राउ - Brighter Network


काठमाडौं, फागुन २ ६  गते ।  


काठमाडौंको गोकर्णेश्वर नगरपालिका–७ स्थित बागमती खोलाको बीच भागमा एक महिलाको शव फेला परेको घटनामा संलग्न रहेको अभियोगमा एक नाबालकसहित पाँच जना पक्राउ परेका छन्।  


फागुन २४ गते बिहान ११:५० बजे नामी कलेज नजिकको बागमती खोलामा बोरा भित्र पानीमा डुबेको अवस्थामा अन्दाजी ३० देखि ३५ वर्षकी एक महिलाको शव फेला परेको थियो। सूचना प्राप्त लगत्तै प्रहरी वृत्त बौद्धबाट खटिएको टोलीले शवलाई पोष्टमार्टमको लागि त्रिभुवन विश्वविद्यालय शिक्षण अस्पताल, महाराजगञ्ज पठाएको थियो।  


प्रारम्भिक अनुसन्धानका क्रममा घटनामा संलग्नता देखिएका पाँच जनालाई काठमाडौं उपत्यकाका विभिन्न स्थानबाट जिल्ला प्रहरी परिसर काठमाडौं र अन्य प्रहरी टोलीले पक्राउ गरेको जनाएको छ।  


पक्राउ परेकाहरुमा सर्लाही बागमती ढुङ्गेखोला घर भई हाल गोठाटार बस्ने २५ वर्षीय कैलाश खड्का, मकवानपुर हेटौडा शिखरपानी घर भई हाल गोठाटार कृष्ण मन्दिर बस्ने २० वर्षीय सुरेश तामाङ, नुवाकोट मेघांग–४ देउराली घर भई हाल सोही ठाउँमा बस्ने २४ वर्षीय रोशन तामाङ, सिन्धुपाल्चोक तिपिने घर भई हाल गोकर्णेश्वर बस्ने २० वर्षीया पूजा परियार र एक नाबालक छन्।  


प्रहरीका अनुसार पक्राउ परेका सबैलाई काठमाडौं जिल्ला अदालतबाट ६ दिनको म्याद थप अनुमति लिई थप अनुसन्धान भइरहेको छ। हत्या किन र कसरी भयो भन्ने विषयमा अनुसन्धान जारी रहेको प्रहरीले जनाएको छ।

Top Post Ad

post bottom ads

Ads Bottom