सरकार, विभिन्न संघ–संस्था र दातृ निकायबाट पठाइएको राहत सामग्री लामो समयसम्म पालिकाको गोदाममै थन्किएपछि अखाद्य अवस्थामा पुगेका खाद्यान्न र प्रयोगविहीन भएका कपडाहरू फोहोर संकलन गर्ने ट्याक्टरमार्फत जलाइएको हो।
पीडित नागरिक भोक र अभावमा दिन कटाइरहेका बेला राहत सामाग्री समयमै वितरण गर्न नसक्नु नगरपालिकाको गम्भीर लापरवाही भएको स्थानीयको गुनासो छ। भेरी नगरपालिका वडा नं. ८ का वडाध्यक्ष वीरबहादुर चन्दले भने, “हाम्रा नागरिक साँझ बिहानको छाक टार्न संघर्षरत छन्, तर पालिकाको स्टोरमा चामल कन्ट्रोलको नाममा थन्किएको थियो।”
यता, उपप्रमुख सीता जैसीले राहत सामग्री नष्ट गरिएकोबारे आफूलाई कुनै जानकारी नदिएको बताइन्। विपद् शाखा प्रमुख यज्ञराज गौतमले भने राहत सामग्रीको म्याद गुज्रिएपछि केही खाद्यान्न नष्ट गरिएको पुष्टि गरे। उनका अनुसार, “काम नलाग्ने अवस्थामा पुगेका सामग्री बोरामा हालेर ट्याक्टरमार्फत नष्ट गरिएको हो।”
स्थानीय नागरिक समाजका अनुसार, राहत वितरणमा ढिलाइ हुनु पालिकाको संरचनागत कमजोरी हो। उनीहरू भन्छन्, “जसको लागि राहत ल्याइएको हो, तिनैलाई वितरण नगरी जलाउनु निकै दुःखद र गैरजिम्मेवार व्यवहार हो।”
यस घटनाले स्थानीय प्रशासन र विपद् व्यवस्थापन प्रणालीप्रति गम्भीर प्रश्न उठाएको छ। राहत सामग्री वितरणमा पारदर्शिता, समयमै पहँुच र जिम्मेवारीपूर्ण व्यवहार नहुन्जेल यस्तो अव्यवस्था दोहोरिरहने देखिन्छ।
.jpeg)
Posts
