 |
| फाइल तस्विर |
सुनसरीको कोशी गाउँपालिका–७, हरिपुर केराबारीस्थित पूर्वपश्चिम राजमार्गमा सोमबार भएको सवारी दुर्घटनामा चार जना गम्भीर घाइते भएका छन्। दुर्घटना बसले मोटरसाइकललाई ठक्कर दिँदा भएको हो।
जिल्ला प्रहरी कार्यालय सुनसरीका प्रहरी नायव उपरीक्षक योगराज खतिवडाका अनुसार सिन्धुलीबाट काँकड्भिट्टातर्फ जाँदै गरेको मे. १ ख. १९९४ नम्बरको बसले अगाडि गइरहेको बा.प्र.०३–००१ क. १०७४ नम्बरको ट्रकलाई ओभरटेक गर्ने क्रममा अर्को प्र.०२–०३–००९ प. ४६६९ नम्बरको मोटरसाइकललाई ठक्कर दिँदा दुर्घटना भएको हो।
दुर्घटनामा रौतहट गौर नगरपालिका–७ का २८ वर्षीय राजन पण्डित, सिन्धुली कमला नगरपालिका–९ की ३२ वर्षीया माया लामा, धनुषा लालगढ नगरपालिका–१० निवासी ७६ वर्षीय कृष्ण पौडेल र ७६ वर्षीया सीतादेवी पौडेल गम्भीर घाइते भएका छन्।
घाइतेमध्ये पण्डितको विराटनगरस्थित गोल्डेन अस्पतालमा उपचार भइरहेको छ भने लामा र पौडेल दम्पतीको उपचार कोशी अस्पताल भण्टाबारीमा जारी रहेको प्रहरीले जनाएको छ।
दुर्घटनामा संलग्न बस, ट्रक र मोटरसाइकलका तीनै चालकलाई प्रहरीले नियन्त्रणमा लिएर घटनासम्बन्धी थप अनुसन्धान थालेको छ।
.jpeg)
Posts
