नासाको अनुसार, अन्तर्राष्ट्रिय अन्तरिक्ष स्टेशन (आईएसएस) बाट पृथ्वीमा पुग्न उनीहरूले १७ घण्टाको यात्रा पूरा गरेका थिए। क्याप्सुल पृथ्वीको वायुमण्डलमा तीव्र गतिमा प्रवेश गरेपछि चार वटा प्यारासुटको सहायताले समुद्रमा बिस्तारै अवतरण गरिएको थियो। जब सुनीता र बुच अन्तरिक्षयानबाट बाहिरिए, उनीहरूका अनुहारमा गहिरो मुस्कान देखिएको थियो, जुन सफलतापूर्वक फिर्तीको संकेत थियो।
नासाको कमर्शियल क्रू कार्यक्रमका प्रबन्धक स्टिभ स्टिचले अन्तरिक्ष यात्राको सफल समापनप्रति खुसी व्यक्त गर्दै चालक दलका सदस्यहरूको धैर्य, सहनशीलता र योगदानको प्रशंसा गरेका छन्।
सन् २०२४ को जुन ५ मा बोइङले निर्माण गरेको स्टारलाइनर परीक्षण यानबाट सुनीता र बुच अन्तरिक्ष स्टेशनतर्फ उडेका थिए। प्रारम्भिक योजना अनुसार उनीहरूले केवल आठ दिन अन्तरिक्षमा बिताएर फर्कनुपर्ने थियो। तर अन्तरिक्षयानमा देखिएको प्राविधिक समस्याका कारण उनीहरू करिब नौ महिनासम्म अन्तरिक्षमै अड्किएका थिए।
यो मिशन अमेरिकी अन्तरिक्ष एजेन्सी नासा र निजी कम्पनी बोइङको सहकार्यमा गरिएको परीक्षण थियो, जसले भविष्यमा निजी कम्पनीमार्फत अन्तरिक्ष यात्री पठाउने योजनामा टेवा पुर्याउने विश्वास गरिएको छ।
सुनीता विलियम्स यसअघि पनि दुईपटक अन्तरिक्ष यात्रा गरिसकेकी अनुभवी अन्तरिक्ष यात्री हुन्। यो मिसन उनी र विल्मोरका लागि एउटा चुनौतीपूर्ण तर ऐतिहासिक उपलब्धिको रूपमा रह्यो।
.jpeg)
Posts
