गएको माघ १२ गते साँझ करिब पौने ७ बजेको समयमा पोखरा महानगरपालिका वडा नं. २९ भण्डारढीकस्थित आदर्शचोक भित्री सडक खण्डमा भएको सवारी दुर्घटनामा ७१ वर्षीय सस बहादुर थापाको ज्यान गएको थियो। उनी बाग्लुङ जिल्लाको जैमनी नगरपालिका वडा नं. १० निवासी हुन्, हाल पोखरा-२९, भण्डारढीकमा बसोबास गर्दै आएका थिए। नम्बर नखुलेको सवारी साधनको ठक्करबाट घाइते भएका थापाको उपचारका क्रममा मृत्यु भएको थियो।
प्रहरीले घटनाको अनुसन्धान गर्दै जाँदा फागुन २० गते साँझ करिब १७:२० बजे घटनामा संलग्न चालक अस्विन अधिकारीलाई पक्राउ गरेको छ। उनी पोखरा महानगरपालिका वडा नं. २० स्थायी वतन भई हाल वडा नं. २७, ज्यामिरे कुना बसोबास गर्दै आएका छन्। उनलाई ग.१९ प.५९९२ नम्बरको मोटरसाइकल सहित पक्राउ गरिएको हो।
अधिकारीलाई जिल्ला अदालतबाट ६ दिनको म्याद थप गरी अनुसन्धान प्रक्रिया अघि बढाइएको जिल्ला प्रहरी कार्यालय कास्कीले जनाएको छ। हाल इलाका प्रहरी कार्यालय डाँडाँकोनाकबाट थप अनुसन्धान कार्य भइरहेको छ।
.jpeg)
Posts
