इटहरी उपमहानगरपालिका–६ स्थित सेन्टर प्लाजामा भएको आगलागीमा फसेका पाँच जनाको सकुशल उद्धार गरिएको छ। सशस्त्र प्रहरी बलका सहप्रवक्ता तथा डीएसपी शैलेन्द्र थापाका अनुसार, बिहान साढे ९ बजेदेखि लागेको आगो हालसम्म नियन्त्रणमा आएको छैन।
आगो निभाउन सशस्त्र प्रहरी, नेपाल प्रहरी, नेपाली सेना र स्थानीयबासी सक्रिय रूपमा खटिएका छन्। प्लाजामा अझै केही व्यक्ति फसेको आशंका गरिएकाले उद्धारका लागि नेपाली सेनाको हेलिकप्टरसमेत परिचालन गरिएको छ।