फाल्गुन २३, जिल्ला प्रहरी कार्यालय उदयपुरबाट खटिएको प्रहरी टोलीले विङ्गर गाडीमा रहेको वेवारिसे ८५ किलो प्रतिबन्धित मुङ्ग्री जातको माछा फेला पारी नष्ट गरेको छ।
२०७८ फागुन १९ गते राति ८:३० बजे त्रियुगा नगरपालिका-६, जलजलेस्थित चेकपोस्टमा जिल्ला प्रहरी कार्यालय उदयपुर र इलाका प्रहरी कार्यालय जलजलेको संयुक्त टोलीले नियमित चेकजाँच गर्दै गर्दा लहानबाट गाईघाटतर्फ जाँदै गरेको ना.१ ज. ७४३९ नम्बरको विङ्गर गाडीमा सो प्रतिबन्धित माछा फेला परेको थियो।
प्रहरीका प्रवक्ता एवं सूचना अधिकारी, जिल्ला प्रशासन कार्यालयका प्रतिनिधि, पत्रकार महासंघ उदयपुरका सचिव, विभिन्न सञ्चारमाध्यमका प्रतिनिधिहरु, भेटेरिनरी अस्पताल तथा पशु विज्ञ सेवा केन्द्रका प्रतिनिधि, तथा स्थानीयवासीको उपस्थितिमा बरामद माछा नष्ट गरिएको प्रहरीले जनाएको छ।
.jpeg)
Posts
