भक्तपुर — मध्यपुर थिमी नगरपालिका–६ निवासी ३२ वर्षीय लक्ष्मण खड्काको कुटपिटबाट मृत्यु भएको घटनामा संलग्न रहेको आरोपमा प्रहरीले दुई जनालाई पक्राउ गरेको छ। पक्राउ पर्नेमा सर्लाही लालबन्दी नगरपालिका–९ का ३९ वर्षीय यादब पौडेल र सिन्धुली तीनपाटन गाउँपालिका–३ चकमकेका २४ वर्षीय अनिश तामाङ रहेका छन्।
फागुन २७ गते बिहान सानोठिमी मगरगाउँ जाने सडक किनारमा अचेत अवस्थामा फेला परेका खड्कालाई उपचारका लागि राष्ट्रिय ट्रमा सेन्टर, काठमाडौं लगिएको थियो, जहाँ उनको मृत्यु भएको थियो।
घटनाको अनुसन्धानका क्रममा जिल्ला प्रहरी परिसर भक्तपुरको टोलीले संलग्न आरोपमा पौडेल र तामाङलाई नियन्त्रणमा लिएको हो। उनीहरूविरुद्ध कर्तव्य ज्यान मुद्दामा जिल्ला अदालत भक्तपुरबाट पाँच दिनको म्याद थप गरी थप अनुसन्धान भइरहेको प्रहरीले जनाएको छ।
.jpeg)
Posts
