शुक्रबार राजावादी समूहसहितको संयुक्त आन्दोलनका क्रममा भएको तोडफोडपछि लुटपाट गरेर फरार भएका ९ जनालाई उपत्यका अपराध अनुसन्धान कार्यालयको टोलीले शनिबार र आइतबार पक्राउ गरेको हो। प्रहरीका अनुसार पक्राउ परेका व्यक्तिहरू कोटेश्वरमा बस्दै आएका थिए।
पक्राउ पर्नेहरूको विवरण :
१. आशिष सिंह - धनुषा, मिथिला नगरपालिका-६ ढल्केवर
२. प्रेम कुमार महतो - सर्लाही, बरथहवा नगरपालिका-१६
३. रवि रञ्जन कुमार - भारत, बिहार राज्य, पटना हाजिपुर
४. सुशीला कुमाल - नुवाकोट, विदुर नगरपालिका-६
५. एलिसा राई - सुनसरी, धरान
६. बालकुमारी कार्की - काठमाडौं महानगरपालिका-३२
७. निर्मला कार्की - सिन्धुपाल्चोक, चौतारा साँगाचोकगढी नगरपालिका-८
८. चित्र माया बस्नेत - सिन्धुली, तिनपाटन गाउँपालिका-७ लाम्पन्टार
९. सुस्मिता बराल - सिन्धुली, तिनपाटन गाउँपालिका-१६
काठमाडौं उपत्यका अपराध अनुसन्धान कार्यालयका प्रहरी उपरीक्षक अंगुर जिसीका अनुसार यो समूह आन्दोलनका क्रममा सुपरमार्केटमा तोडफोड गर्दै लुटपाटमा संलग्न रहेको अनुसन्धानबाट खुलेको छ।
उक्त घटनाले राजधानीको सुरक्षा व्यवस्थामा प्रश्न उठाएको छ भने व्यापारिक प्रतिष्ठानहरूमा असुरक्षा बढाएको छ। प्रहरीले घटनाबारे थप अनुसन्धान जारी राखेको जनाएको छ।
.jpeg)
Posts
