जिल्ला अदालत नवलपरासीका न्यायाधीश केशवप्रसाद अधिकारीको इजलासले गरेको फैसला अनुसार अध्यक्ष गुप्तालाइ लागू औषध सम्बन्धी कसुरमा दोषी ठहर गरेको हो ।
कसुर ठहर भएका अर्का रघुनाथ प्रसाद धोबी यसअघि गाउँपालिकाका नगर प्रहरी थिए। उनी सोही अभियोगमा २०७९ असोज २६ गतेदेखि पुर्पक्षका लागि थुनामै छन्। अन्य दुई जनालाई अभियोगबाट सफाई दिइएको छ।
सफाई पाउनेमा रामा गुप्ता भन्ने रामा साह र जीतेन्द्र पासवान छन्। उनीहरू भारतीय नागरिक हुन्। अभियोग लागेका पाल्हीनन्दन गाउँपालिका-३ बस्ने मन्टु भनिने विवेक प्रसाद पाण्डे अझै फरार छन्। गुप्ता सहित अन्य दुइ जनालाइ अदालतले दोषी ठहर गरेपनि सजाय तोक्न भने गर्न बाँकी छ ।
अध्यक्षसहित धोबीलाई कसुर ठहर गरे पनि सजाय निर्धारणका लागि भने पेशी तोकिएको छ। आउँदो फागुन २९ गते सजाय निर्धारणको फैसला हुने अदालतका शाखा अधिकृत सूचना अधिकारी भेषराज खनालले जानकारी दिनुभयो।
घटनापश्चात रघु, रामा र जीतेन्द्रलाई प्रहरीले पक्राउ गरेको थियो। साह र पासवान सर्वोच्चबाट धरौटीमा यसअघि रिहा भइसकेका छन्।
अध्यक्ष गुप्ताको निर्देशनमा रघुनाथ प्रसाद धोबी र मन्टु भनिने विवेकप्रसाद पाण्डेले रामा र जीतेन्द्र चढेको मोटरसाइकल नजिक लागुऔषधको झोला फ्याँकेर गई फसाउन खोजेको आरोप जीतेन्द्रको परिवारको थियो। प्रहरीका अनुसार बरामद भएको लागुऔषधमा २/२ थान एम्पुलको झोलासहित ९०/९० थान डाइजेपाम नुर्फिन र फेनार्गन रहेको उल्लेख थियो।
निर्दोष व्यक्तिलाई फसाएको भन्दै त्यतिबेला प्रहरीको आलोचना गर्दै सदरमुकाममा प्रदर्शनसमेत भएको थियो। प्रहरीकै मिलमतोमा निर्दोषलाई फसाएको भन्दै आलोचना बढेपछि प्रहरी प्रधान कार्यालय र लुम्बिनी प्रदेश प्रहरी कार्यालयले घटनाको छानबिन गर्न छुट्टाछुट्टै टोली पठाएर अनुसन्धान गरेको थियो ।
अध्यक्ष गुप्ता माओवादी केन्द्रबाट दोस्रोपटक गाउँपालिका अध्यक्षमा निर्वाचित भएका हुन् ।
.jpeg)
Posts
