Breaking Posts

6/trending/recent
Type Here to Get Search Results !

सामान्य विवादका क्रममा खुकुरी प्रहार गर्ने व्यक्ति नियन्त्रणमा, थप अनुसन्धान जारी - Brighter Network


काठमाडौं, चैत २  – काठमाडौंको कलंकीस्थित सिता पम्प नजिक सडक खण्डमा खुकुरी प्रहार गर्ने एक युवकलाई प्रहरीले नियन्त्रणमा लिएको छ।


प्रहरीका अनुसार मिति २०८१ फागुन २९ गते साँझ ५:५४ बजे काठमाडौं महानगरपालिका–१४, कलंकी सिता पम्प नजिक आपसी विवाद हुँदा मोरङ जिल्लाको कटारी गाउँपालिका–४ घर भई हाल कालिमाटी बसोबास गर्दै आएका ३० वर्षीय सुवास राईमाथि खुकुरी प्रहार गरिएको थियो।


उक्त घटनामा संलग्न रहेको आरोपमा जिल्ला नुवाकोट, दुईपिपल देउराली–३ घर भई हाल काठमाडौंको बाफलमा बसोबास गर्दै आएका २० वर्षीय सुशिल तामाङलाई प्रहरीले एकथान खुकुरीसहित नियन्त्रणमा लिएको हो।


प्रहरीले घटनापछि सुशिल तामाङलाई काठमाडौं जिल्ला अदालतमा उपस्थित गराई पाँच दिनको म्याद थप अनुमति प्राप्त गरेको जानकारी दिएको छ। हाल घटनासम्बन्धी थप अनुसन्धान भइरहेको छ।

Top Post Ad

post bottom ads

Ads Bottom