चैत ७ गते बेलुका करिब ६ बजे ठिमीबाट कोटेश्वर आउँदै गरेका यात्रुको मोबाइल पाकेटमारी भएको सूचनापछि प्रहरीले तत्कालै खोजी कार्य प्रारम्भ गरेको थियो। कोटेश्वर चोक नजिकैबाट मोबाइल चोरी भएको खबरपछि प्रहरीले निगरानी बढाई अनुसन्धान गर्दा घटनामा संलग्न सात जनालाई नियन्त्रणमा लिएको हो।
प्रारम्भिक अनुसन्धानमा उनीहरूले चोरेका मोबाइल भक्तपुर जगातीस्थित ‘सरोज मोबाइल रिपेयरिङ सेन्टर’मा बिक्री गर्ने गरेको खुलेको छ। त्यसपछि गरिएको खानतलासीमा सो रिपेयरिङ सेन्टरबाट लुकाइछिपाई राखिएको अवस्थामा विभिन्न कम्पनीका २७१ थान मोबाइल, १५ थान ल्यापटप र ९ थान ट्याब बरामद गरिएको हो।
पक्राउ परेकाहरूमा काभ्रेको बेथानचोकका प्रमोद परियार, खानिखोलाका गुनराज न्यौपाने, रौतहटका हेमन्त राना मगर, दोलखाको सैलुङका शम्भु विश्वकर्मा, सिन्धुपाल्चोक मेलम्चीका राजेश चालिसे, दोलखाको कालिन्दोकका सबिन पाण्डे र काठमाडौं सिनामंगलका प्रकाश कट्वाल रहेका छन्। उनीहरू मध्ये अधिकांश हाल भक्तपुर क्षेत्रमै बसोबास गर्दै आएका थिए।
हाल उनीहरूलाई नियन्त्रणमा लिई चोरी, खरीद तथा बिक्री सम्बन्धी थप अनुसन्धान भइरहेको प्रहरीले जनाएको छ।
.jpeg)
Posts
