फाल्गुन २७,
विभिन्न मितिमा हराएका २० वटा दुई पाङ्ग्रे सवारी साधन ट्राफिक प्रहरीले फेला पारेर सम्बन्धित धनीलाई मंगलबार हस्तान्तरण गरेको छ।
काठमाडौं उपत्यका ट्राफिक प्रहरी कार्यालयमा आयोजित विशेष कार्यक्रममा कार्यालयका प्रमुख प्रहरी वरिष्ठ उपरीक्षक (एसएसपी) विनोद घिमिरेले ६ वटा मोटरसाइकल र १४ वटा स्कुटर सम्बन्धित मालिकहरूलाई सुम्पिएका हुन्।
प्राप्त निवेदनका आधारमा खोजी गर्दा केही सवारी साधनमा वास्तविक नम्बर प्लेट रहेका थिए भने केहीमा नक्कली नम्बर प्लेट प्रयोग गरिएको पाइएको थियो। ती सवारीहरू काठमाडौं उपत्यकाको युएनपार्क, त्रिभुवन अन्तर्राष्ट्रिय विमानस्थल, नयाँबसपार्क, गुहेश्वरी, गौशाला, सुन्दरीजल, कालिमाटी, ठमेल, मालिगाउँ, चुनदेवी, जगाती, दिपज्योती, बौद्ध, गोकर्णेश्वर, नरेफाँट र नेपालटार लगायतका क्षेत्रबाट फेला पारिएको ट्राफिक प्रहरीले जनाएको छ।
.jpeg)
Posts
