Breaking Posts

6/trending/recent
Type Here to Get Search Results !

स्याङ्जा रापाकोट पोखरा सम्पर्क समाजको होली विशेषसँगै छैटौँ अधिवेशन सम्पन्न, अध्यक्षमा महेश्वर रिमाल - Brighter Network


पोखरा , फाल्गुन २९ गते ।


स्याङ्जा, रापाकोटबाट पोखरा बसोबास गर्ने व्यक्तिहरूको साझा संस्था स्याङ्जा रापाकोट पोखरा सम्पर्क समाजको १५औँ साधारण सभा तथा छैटौँ अधिवेशन  सँगै होली विशेष कार्यक्रमका साथ सम्पन्न भएको छ।


समारोह समाजका अध्यक्ष गोविन्द काफ्लेको अध्यक्षतामा सम्पन्न भयो। कार्यक्रमका प्रमुख अतिथि सङ्घीय सांसद माननीय राजु थापाले समाजले गरेका कार्यहरूको प्रशंसा गर्दै शुभकामना मन्तव्य व्यक्त गर्नुभयो। विशिष्ट अतिथि अर्जुनचौपारी पोखरा सम्पर्क समाजकी अध्यक्ष जमुना काफ्ले चापागाईँले समाजको औचित्य र भविष्यको कार्यदिशाबारे सुझाव प्रस्तुत गर्नुभयो।


कार्यक्रममा स्वागत मन्तव्य समाजका उपाध्यक्ष महेश्वर रिमालले राख्नुभएको थियो भने, सञ्चालन समाजका सचिव प्रेमलाल लम्सालले गर्नुभयो। समाजको आर्थिक विवरण कोषाध्यक्ष सिता चापागाईँले प्रस्तुत गर्नुभयो।


नयाँ कार्यसमिति चयन

अधिवेशनमार्फत महेश्वर रिमालको अध्यक्षतामा नयाँ १७ सदस्यीय कार्यसमिति चयन गरिएको छ। नयाँ कार्यसमितिमा चयन भएका सदस्यहरू:

  • अध्यक्ष: महेश्वर रिमाल
  • उपाध्यक्ष: सिता लम्साल चापागाईँ
  • सचिव: प्रेमलाल लम्साल
  • सहसचिव: डिल्लीराम काफ्ले
  • कोषाध्यक्ष: लाल प्रसाद चापागाईँ

सदस्यहरू: टेकप्रसाद काफ्ले, महेश कुमार पौडेल, मञ्जु पौडेल, नेत्रप्रसाद काफ्ले, सुमन काफ्ले, अर्जुनप्रसाद गौडेल, चेतनारायण पौडेल, दण्डपाणि चापागाईँ, मन कुमारी पौडेल, सविता सुनार, भेषराज काफ्ले।


कार्यक्रममा संरक्षक हेमनारायण चापागाईँ, पूर्व अध्यक्ष मेघनाथ काफ्ले, तथा सल्लाहकारहरू भरत गिरी, डा. भवानीशंकर पौडेल, विष्णुप्रसाद काफ्ले, डा. टेक नारायण पौडेल, ईश्वरीप्रसाद लम्साल लगायतले समाजको योगदानबारे चर्चा गर्दै शुभकामना व्यक्त गर्नुभयो।


त्यस्तै, दरौंखोला सामीप्य समाजका अध्यक्ष बोधराज गौतम र दरौँ पोखरा सम्पर्क समाजका विजय खड्काले पनि शुभकामना मन्तव्य दिनुभयो।


कार्यक्रमको अन्त्यमा पोखरामा स्थायी तथा अस्थायी रूपमा बसोबास गर्ने रापाकोट बासीहरूले एक आपसमा होलीको रङ दलेर सांस्कृतिक रमाइलोका साथ कार्यक्रम सम्पन्न गरेका थिए।

Top Post Ad

post bottom ads

Ads Bottom