फाल्गुन २१, कागजातविहीन ८ जना नेपाली नागरिकलाई लिएर एक अमेरिकी चार्टर विमान त्रिभुवन अन्तर्राष्ट्रिय विमानस्थलमा अवतरण गरेको छ। बुधबार बिहान करिब १० बजे उक्त विमान काठमाडौं आइपुगेको थियो।
त्रिभुवन अन्तर्राष्ट्रिय विमानस्थलका प्रवक्ता रिन्जी शेर्पाका अनुसार, अवैध रूपमा अमेरिकामा बस्दै आएका ती नेपाली नागरिकलाई स्वदेश फिर्ता गराइएको हो। अमेरिकी प्रशासनले विशेष चार्टर विमानमार्फत उनीहरूलाई नेपाल पठाएको जानकारी दिएको छ।
विभिन्न माध्यमबाट अमेरिका पुगेका र लुकिछिपी बस्दै आएका नेपालीहरूको संख्या हजारभन्दा बढी रहेको अनुमान छ। कागजातविहीन नेपालीलाई पहिलोपटक चार्टर विमानमार्फत स्वदेश फर्काइएको हो। अमेरिकी राष्ट्रपति डोनाल्ड ट्रम्पले आप्रवासी विदेशी नागरिकलाई निष्कासन गर्ने अभियानलाई तीव्र बनाएको सन्दर्भमा यो प्रक्रिया अघि बढाइएको हो। नेपाल फर्काइएका ती नागरिकहरूसँग प्रहरी प्रशासनले आवश्यक सोधपुछ गर्ने भएको छ।
.jpeg)
Posts
