काठमाडौँ, चैत ५ – प्रहरीले ठूलो मात्रामा नगद रकमसहित एक व्यक्तिलाई नियन्त्रणमा लिएको छ। काठमाडौँ उपत्यका अपराध अनुसन्धान कार्यालय, टेकुबाट खटिएको टोलीले टोखा नगरपालिका–१ झोर क्षेत्रबाट उक्त व्यक्तिलाई पक्राउ गरेको हो।
कार्यालयका प्रमुख, प्रहरी वरिष्ठ उपरीक्षक (एसएसपी) रमेश बस्नेतका अनुसार पक्राउ परेका व्यक्तिबाट नेपाली रुपैयाँसहित विभिन्न देशका विदेशी मुद्राहरू—जसमा अमेरिकी डलर र युरो समेत रहेका छन्—बरामद गरिएको छ।
बरामद गरिएको रकमको कुल मूल्य करीब २५ करोड रुपैयाँ रहेको बताइएको छ। रकम ना १ ख १६५२ नम्बरको ट्रकबाट फेला परेको हो। यद्यपि, पक्राउ परेका व्यक्तिको नाम भने सार्वजनिक गरिएको छैन।
.jpeg)
Posts
