Breaking Posts

6/trending/recent
Type Here to Get Search Results !

सुपादेउराली बस दुर्घटना अपडेट : चार जनाको ज्यान गयो , २७ घाइते - Brighter Network


अर्घाखाँची – अर्घाखाँचीको सुपादेउरालीबाट फर्किंदै गरेको बस दुर्घटनामा चार जनाको मृत्यु भएको छ भने २७ जना यात्रु घाइते भएका छन्।

लु२ख ३०३ नम्बरको बस नवलपरासीबाट सुपादेउराली दर्शन गरी फर्कने क्रममा शितगंगा नगरपालिका-२ भुवनपाटास्थित गोरुसिंगे-सन्धिखर्क सडकखण्डमा दुर्घटनाग्रस्त भएको हो। राजमार्ग सुरक्षा तथा ट्राफिक व्यवस्थापन कार्यालय बुटवलका प्रहरी उपरीक्षक श्यामबहादुर खत्रीका अनुसार बस अनियन्त्रित भएर सडकबाट ३० मिटर तल खसेको थियो।

प्रहरीका अनुसार दुर्घटनामा तीन महिला र एक पुरुषको मृत्यु भएको छ, जसमा बसका चालक पनि रहेको प्रारम्भिक जानकारी प्राप्त भएको छ। हालसम्म मृतकहरूको पहिचान खुलेको छैन।

दुर्घटनामा घाइते भएका २७ यात्रुमध्ये केहीको अवस्था गम्भीर रहेको र उनीहरूलाई उपचारका लागि नजिकको अस्पतालमा पठाइएको छ। 

प्रहरीले दुर्घटनाको कारणबारे थप अनुसन्धान गरिरहेको छ।

Top Post Ad

post bottom ads

Ads Bottom