चैत १२, झापाको कनकाई नगरपालिका-५, नारायणदल चौकमा एक दुखद घटना भएको छ, जहाँ ४० वर्षीय लालबहादुर मंग्रातीले आफ्नो ४० वर्षीया श्रीमती मनिसा मग्रातीको हत्या गरेका छन् र पछि आत्महत्या प्रयास गरेका छन्।
स्थानीय योगेन्द्र बसेलको घरमा भाडामा बस्दै आएका यी दम्पती सोमबार राति झगडामा आएका थिए। झगडामा श्रीमतीको मृत्यु भएपछि श्रीमान् लालबहादुरले पनि आफ्नो घाँटी रेटेर आत्महत्या गर्न प्रयास गरेका थिए। तर, उनकी मृत्यु भएन र मङ्गलबार बिहान ४ बजेतिर उनले छिमेकीलाई फोन गरेर श्रीमतीको मरेको जानकारी दिएपछि गाउँलेहरूले जनप्रतिनिधि र प्रहरीलाई खबर गरेका थिए।
घटनास्थलमा पुगेका प्रहरी र जनप्रतिनिधिहरूले श्रीमानलाई घाइते अवस्थामा ओछ्यानमा फेला पारे र श्रीमती मृत अवस्थामा भेट्टाए। श्रीमानलाई उपचारको लागि विएण्डसी अस्पताल, बिर्तामोड लगिएको छ।
प्रहरीका अनुसार, घाइते श्रीमान् लालबहादुरले आफ्नै श्रीमतीको हत्या गरेको स्वीकार गरेका छन्। अहिले यस घटनामा थप अनुसन्धान जारी रहेको प्रहरीले जनाएको छ।
दम्पती ज्याला मजदुरी गरेर गुजारा गर्दै आएका थिए।
.jpeg)
Posts
