स्थानीय प्रशुराम गिरीले आफ्ना परिवारमाथि कुटपिट हुनबाट जोगाउन लाइसेन्सप्राप्त बन्दुक प्रयोग गरी फायर गरेको प्रहरी स्रोतले जनाएको छ। उनका अनुसार राति करिब ९ः३० बजे वडा नम्बर ७ का वडाध्यक्ष सुनील गुप्ताको नेतृत्वमा आएको समूहले घरमाथि ढुंगामुढा गर्दै गिरी परिवारका सदस्यहरूमाथि हातपात सुरु गरेको थियो।
“घरमाथि आक्रमण भएपछि हामी भयभीत भयौं। आत्मरक्षाका लागि मसँग रहेको लाइसेन्स प्राप्त बन्दुकबाट दुई राउन्ड फायर गर्नुपर्यो,” गिरीले प्रहरीलाई बताएका छन्।
यसबीच वडाध्यक्ष गुप्ताले भने गिरीका नातिले जितपुर बजार क्षेत्रमा कलवार समुदायमाथि सामूहिक गालीगलौज गरेको भन्ने सूचनाको आधारमा घटनास्थलमा जानकारी लिन गएको दाबी गरेका छन्।
शुक्रबार दिउँसो होली खेल्ने क्रममा गिरीका नाति र कलवार समुदायका केही युवाबीच सामान्य भनाभन भएको र त्यसकै असर राति देखिएको स्थानीयले बताएका छन्।
बाराका प्रहरी उपरीक्षक (एसपी) सन्तोष तामाङका अनुसार दुबै पक्षलाई आवश्यक अनुसन्धानका लागि जिल्ला प्रहरी कार्यालयमा बोलाइएको छ। घटनाको गम्भीरता बुझ्न आफूले शनिबार बिहान नै घटनास्थलको स्थलगत निरीक्षण गरेको जानकारी एसपी तामाङले दिनुभयो।
.jpeg)
Posts
