काठमाडौं, चैत ६ — सामाजिक सञ्जालमार्फत महिलाको चरित्र हत्या गरेको आरोपमा एक पुरुष पक्राउ परेका छन्। काठमाडौं महानगरपालिका–१७ क्षेत्रपाटी बस्ने भारत बिहार निवासी ४१ वर्षीय नुनु रायलाई प्रहरीले मंगलबार नियन्त्रणमा लिएको हो।
सुरुमा फेसबुकमार्फत साथी बनेका राय र पीडितबीच व्यक्तिगत सम्बन्ध स्थापित भएको थियो। भेटघाटका क्रममा भएका अन्तरङ्ग क्रियाकलापहरू उनले गोप्य रूपमा रेकर्ड गरेका थिए। पछि आपसी मनमुटाव भएपछि ती सामग्रीहरू पीडितकी आफन्त र साथीहरूलाई म्यासेन्जरमार्फत पठाई चरित्र हत्या गरेको भन्दै पीडितले साइबर ब्यूरोमा उजुरी दिएकी थिइन्।
उक्त उजुरीको आधारमा साइबर ब्यूरोबाट खटिएको प्रहरी टोलीले रायलाई पक्राउ गरेको हो। उनलाई विद्युतीय कारोबार ऐन, २०६३ अन्तर्गतको कसूरमा अनुसन्धानका लागि जिल्ला अदालत काठमाडौंबाट सात दिनको म्याद थप अनुमति लिई आवश्यक कारबाही प्रक्रिया अगाडि बढाइएको प्रहरीले जनाएको छ।
.jpeg)
Posts
