चैत ४,
रामेछाप प्रहरीले वन क्षेत्रमा डढेलो लगाएको आरोपमा दुई जनालाई पक्राउ गरेको छ। पक्राउ परेका व्यक्तिहरू दोरम्बा सैलुङ गाउँपालिका–३ का ५० वर्षीय पदमबहादुर विक र उनका ४५ वर्षीय भाइ चन्द्रबहादुर विक हुन्।
जिल्ला प्रहरी कार्यालय रामेछापका प्रवक्ता प्रहरी निरीक्षक कौशल न्यौपानेका अनुसार उनीहरूले टोकारपुरस्थित छहरे छाप पाखा सामुदायिक वनमा आगो लगाएको आरोपमा पक्राउ गरिएको हो।
गत शुक्रवार बिहान ११ बजे उक्त वनमा डढेलो सुरु भएको थियो, जसको असर लालिगुँरास र बुढा पानी सामुदायिक वनसम्म पुगेको थियो। डढेलो अहिलेसम्म पूर्ण रूपमा नियन्त्रणमा आउन सकेको छैन।
शनिवार दाजुभाइलाई नियन्त्रणमा लिएर आवश्यक अनुसन्धान भइरहेको प्रहरीले जनाएको छ। उनीहरूलाई थप कारबाहीका लागि डिभिजन वन कार्यालय रामेछापमा पठाइएको समेत प्रवक्ता न्यौपानेले जानकारी दिए।
.jpeg)
Posts
