पक्राउ परेका व्यक्तिहरूमा धादिङ, धुनिबेसी नगरपालिका-५ का २७ वर्षीय राज कुमार तामाङ, रौतहट, रघुनाथपुर नगरपालिका-९ का ३३ वर्षीय शेख जफ्रे आलम, तथा ऐ. जिल्ला, चपुर नगरपालिका-९ का २३ वर्षीय लाल मोहमद देवान रहेका छन्। उनीहरूलाई आवश्यक कानुनी कारबाही अघि बढाइरहेको प्रहरी स्रोतले जनाएको छ।
प्राप्त जानकारीअनुसार, २०८१ साल फागुन १६ गते बिहान ४ बजे नागार्जुन नगरपालिका-४, सीतापाइला स्थित भेष बहादुर कामीले संचालन गरेको खुकुरी कारखानाबाट ठूलो संख्यामा खुकुरी चोरी भएको थियो। उक्त घटनापछि प्रहरी वृत्त स्वयम्भूमा उजुरी परेको थियो।
उक्त उजुरीका आधारमा अनुसन्धान अघि बढाउँदै गएको प्रहरीले फागुन २० गते बिहान ४ बजे काठमाडौं महानगरपालिका-१५, रामघाट पुल नजिकै तीन जना शंकास्पद व्यक्तिलाई नियन्त्रणमा लिएको हो। सोधपुछका क्रममा उनीहरूले चोरी गरेका खुकुरी ललितपुर महानगरपालिका-२, सानेपा स्थित कोठामा लुकाइराखेको स्वीकार गरेका थिए। प्रहरीले कानुनी प्रक्रिया पूरा गरी सो कोठाको खानतलासी गर्दा चोरी भएका विभिन्न सामाग्री बरामद गरेको छ। पक्राउ परेका तीनै जनाविरुद्ध काठमाडौं जिल्ला अदालतबाट पाँच दिनको म्याद थप अनुमति प्राप्त भई थप अनुसन्धान भइरहेको प्रहरीले जनाएको छ।
यस घटनासँग सम्बन्धित विभिन्न सामाग्री पनि प्रहरीले बरामद गरेको छ। तीमध्ये फलामको ४५ थान खुकुरी, ३ थान साइकल, १ थान फलामको हथौडा, १ थान इलेक्ट्रिक तराजु, १ थान फलामको रड, १ थान लिभर, तथा नगद ३,९०० रुपैयाँ फेला पारिएको छ।
प्रहरीले पक्राउ परेका व्यक्तिहरूलाई आवश्यक कानुनी कारबाही अघि बढाइरहेको छ।
.jpeg)
Posts
