इन्स्टाग्राममार्फत एक विद्यार्थीले डा. सङ्ग्रौलाले छात्राहरूसँग आपत्तिजनक टिप्पणी गर्ने, जबरजस्ती ब्याक मसाज गराउने र महिलाबारे अपमानजनक भाषा प्रयोग गर्ने गरेको आरोप लगाएकी हुन्। साथै, उनले यौनिक तथा लैंगिक अल्पसंख्यक समुदायप्रति समर्थन जनाउने विद्यार्थीहरूलाई निष्कासनको धम्की दिने गरेको पनि दाबी गरेकी छन्।
यसअघि पनि करिब ६ वर्षअघि डा. सङ्ग्रौलाविरुद्ध यस्तै प्रकारका गुनासा उठेको इतिहास छ। तर, कलेज प्रशासनसमक्ष उजुरी दिँदा पनि सुनुवाइ नभएको भन्दै विद्यार्थीहरूले यसपटक सामाजिक सञ्जाललाई माध्यम बनाएका हुन्।
प्रकरण बाहिरिएपछि काठमाडौँ स्कुल अफ लले आधिकारिक विज्ञप्ति जारी गर्दै आरोपहरूको छानबिन प्रक्रिया अघि बढाइएको जानकारी दिएको छ। विज्ञप्तिमा भनिएको छ, “निवेदकले संस्थामा पेश गरेको उजुरीलाई सामाजिक सञ्जालमा सार्वजनिक गरेका कारण कलेजले उनलाई समितिमा उपस्थित भई औपचारिक प्रक्रियामा सहयोग गर्न पत्राचार गरिसकेको छ।”
हाल घटनाबारे विस्तृत छानबिन हुने जनाएको कलेजले आवश्यकताअनुसार थप जानकारी सार्वजनिक गरिने स्पष्ट पारेको छ। विद्यार्थी र शैक्षिक वातावरणमा यस्ता गम्भीर आरोप उठेसँगै शैक्षिक संस्थामा उत्तरदायित्व र पारदर्शिताको माग फेरि एकपटक उठेको छ।
.jpeg)
Posts
