सिराहा, फागुन २९ — सिराहाको मिर्चैया स्थित इलाका प्रहरी कार्यालयको हिरासतमा रहेका एक थुनुवा बिहीबार साँझ फरार भएका छन्। फरार हुने व्यक्ति अर्नमा गाउँपालिका निवासी असलम मन्सुरी हुन्।
प्रहरीका अनुसार उनी अभद्र व्यवहार मुद्दामा बिहीबार नै पक्राउ परेका थिए। तर केही घण्टामै हिरासतबाट भाग्न सफल भएको जिल्ला प्रहरी कार्यालय सिराहाका सूचना अधिकारी डिएसपी वीरेन्द्रकुमार पासवानले जानकारी दिए।
मन्सुरी फरार भएसँगै प्रहरीले मिर्चैया क्षेत्रका विभिन्न स्थानमा विशेष सुरक्षा चेकजाँच थालेको छ। साथै, उनी लुकेर बस्न सक्ने सम्भावित स्थानहरूमा प्रहरी टोली परिचालन गरिएको डिएसपी पासवानले बताए।
प्रहरीले घटनाको थप अनुसन्धान गरिरहेको छ।
Posts
