काठमाडौं, चैत ४ – आकर्षक तलबको सपना देखाएर युवालाई इराक पुर्याई मानव बेचबिखनमा संलग्न एक युवक पक्राउ परेका छन्। पक्राउ पर्ने व्यक्ति नुवाकोटको तारकेश्वर गाउँपालिका–५ निवासी हिरा तामाङ हुन्।
मानव बेचबिखन अनुसन्धान ब्यूरोको टोलीले उनलाई आइतबार काठमाडौंको बबरमहलबाट पक्राउ गरेको हो। तामाङले दुबईमार्ग हुँदै इराक पुर्याई युवालाई बन्धक बनाएको आरोप लागेको छ।
पीडित व्यक्ति ५ फेब्रुअरी २०२५ मा इराकको बन्धनबाट उम्कन सफल भई नेपाल फर्किएपछि प्रहरीमा जाहेरी दिएका थिए। ती व्यक्तिको उजुरीकै आधारमा तामाङलाई पक्राउ गरिएको ब्यूरोका प्रवक्ता एसपी नरेन्द्र कुँवरले जानकारी दिए।
प्रहरीका अनुसार घटनाबारे थप अनुसन्धान भइरहेको छ। मानव तस्करी जस्तो संवेदनशील विषयमा प्रहरीले सक्रिय भूमिका निभाउँदै आएको छ।
.jpeg)
Posts
