चैत २,
नेपाल आयल निगमले पेट्रोलियम पदार्थको मूल्य घटाउने निर्णय गरेको छ। निगमको सञ्चालक समितिको शनिबार बसेको बैठकले पेट्रोलको मूल्य प्रतिलिटर पाँच रुपैयाँले र डिजेल तथा मट्टितेलको मूल्य प्रतिलिटर चार रुपैयाँले घटाउने निर्णय गरेको हो। यो मूल्य समायोजन आज मध्यराति अर्थात् चैत २ गतेदेखि लागू हुनेछ।
मूल्य घटेसँगै पेट्रोलको खुद्रा बिक्री मूल्य पहिलो, दोस्रो र तेस्रो वर्गमा क्रमशः प्रतिलिटर १६० रुपैयाँ ५० पैसा, १६२ रुपैयाँ र १६३ रुपैयाँ कायम गरिएको छ। यस्तै, डिजेल तथा मट्टितेलको मूल्य क्रमशः १४८ रुपैयाँ ५० पैसा, १५० रुपैयाँ र १५१ रुपैयाँ निर्धारण गरिएको छ।
इण्डियन आयल कर्पोरेसनबाट प्राप्त नयाँ मूल्यसूचीअनुसार पेट्रोल र डिजेलको खरिद मूल्यमा गिरावट आएको कारण निगमले स्थानीय बजारमा मूल्य समायोजन गरेको जनाएको छ।
.jpeg)
Posts
