नगर प्रहरी र कोटिहोम समर्थकबीच बिहान १०:३० बजे झडप भएको हो। कास्की प्रहरीका डीएसपी वसन्तकुमार शर्माका अनुसार पाँच नगर प्रहरी र आठ आयोजक पक्षका गरी १३ जना घाइते भएका छन्। घाइतेमध्ये १० जनाको मेट्रोसिटी हस्पिटल र तीन जनाको गण्डकी मेडिकल कलेजमा उपचार भइरहेको छ।
नगर प्रहरीले भूमिपूजन रोक्न खोजेपछि केही युवाले आक्रमण गरेका थिए। उनीहरूमध्ये केही लाठी र रडसहित देखिएका थिए।
महानगरपालिकाले कोटिहोम रोक्न उच्च अदालतमा भ्याकेट निवेदन दिएको थियो। अदालतले अन्तरिम आदेश दिन नपर्ने ठहर गरेको थियो।
नेपाल सेवा फाउन्डेसनले वैशाख १७ देखि जेठ २६ सम्म ‘गण्डकी शतकुण्डीय गायत्री कोटिहोम विराट ज्ञान महायज्ञ’ गर्ने जनाएको छ। यसअघि फाउन्डेसनले पोखराका चौतारीहरू काटेपछि महानगरले ३० ट्रकभन्दा बढी काठ जफत गरेको थियो।
फाउन्डेसनले नेपाल ट्रस्टसँग बाराहीघाट छेउको जग्गा ११ लाख ५९ हजार रुपियाँ भाडामा लिएको छ।
.jpeg)
Posts
