स्याङ्जा, जिल्लाको बिरुवा गाउँपालिका वडा नं ४ स्थायी घर भएकी ५१ वर्षीय देवी माया विक (माइली) हराएको सूचना प्राप्त भएको छ।
हाल पोखरा महानगरपालिका वडा नं ७ रत्नचोक, जनप्रिय क्याम्पस पछाडि अस्थायी रूपमा बसोबास गर्दै आएकी देवी माया यही फागुन २० गते बिहान ६ बजेदेखि सम्पर्कविहीन भएको पारिवारिक स्रोतले जनाएको छ ।
उक्त दिन उनी बिहान ६ बजे पोखराको पुरानो एयरपोर्टबाट नागढु्ङ्गा–पृथ्वीचोकतर्फ जाँदै गरेको सिसिटिभी फुटेजमा देखिएको छ ।
उनी त्यस बेला रातो टी-सर्ट, हरियो स्विटर, गुलाबी लुङ्गी र कालो चप्पल लगाएर हिँडेकी थिइन्। त्यसपछि हालसम्म उनको कुनै जानकारी प्राप्त नभएकोले परिवारजन चिन्तित छन्।
उनलाई देख्ने / भेट्ने वा कुनै जानकारी प्राप्त हुने व्यक्तिले नजिकको प्रहरी चौकीमा जानकारी गराइदिन उनको परिवारले अनुरोध गरेको छ ।
.jpeg)
Posts
