विभागका निर्देशक लिलाधर अवस्थीका अनुसार, सगरमाथा आरोहणका लागि अनुमति प्रक्रिया छिट्टै सुरु गरिनेछ। सगरमाथा आधार शिविर क्षेत्रमा आरोहणको तयारी तीव्र बनेको छ।
सगरमाथा आरोहण व्यवस्थापनका लागि विभिन्न आरोहण कम्पनीहरू – स्नो होराइजन, पायोनियर, सेभेनसमिट ट्रेक, सेभेन समिट क्लब, एलिट एक्सपिडिसन, हिमालयन गाइड्स, र एसियन ट्रेकिङ – सक्रिय छन्।
सगरमाथा आरोहण मार्ग तयार पार्न सगरमाथा प्रदूषण नियन्त्रण समिति (एसपीसीसी)ले ‘आइसफल डाक्टर’ खटाइसकेको छ। आधार शिविरदेखि दोस्रो शिविरसम्म मार्ग निर्माण गर्न एसपीसीसीले १० जनाको टोली परिचालन गरेको हो।
यस्तै, दोस्रो शिविरदेखि चुचुरोसम्म ‘रोप फिक्सिङ’ (डोरी टाँग्ने) कामका लागि दक्ष आरोहीहरू खटिएका छन्। पर्वतारोहण सञ्चालक संघले अशोक लामाको नेतृत्वमा आठ सदस्यीय टोलीलाई सगरमाथा चुचुरोसम्म डोरी टाँग्न जिम्मेवारी दिएको छ।
वसन्त ऋतु पर्वतारोहणका लागि उत्कृष्ट मौसम मानिन्छ, जसकारण सगरमाथा, ल्होत्से, र आमादब्लम हिमाल आरोहणमा उल्लेखनीय संख्यामा विदेशी आरोही आकर्षित हुने अपेक्षा गरिएको छ। सन् २०२५ को वसन्त ऋतुमा यी हिमाल आरोहणका लागि रोप फिक्सिङको व्यवस्थापकीय जिम्मेवारी एट्के एक्सपिडिसन कम्पनीलाई दिइएको छ।
.jpeg)
Posts
