मृत्यु हुनेमा इन्द्रसरोवर–३, सिस्नेरी डोडारेका १२ वर्षीय सुसन आचार्य, काभ्रेको फूलबारी दाप्चा घर भई मामाघर आएका १५ वर्षीय जुम्ल्याहा दाजुभाइ प्रवीण घोरसैनी र प्रविश घोरसैनी रहेका छन्। उनीहरू सिस्नेरी बजारपछाडि रहेको ढुंगाको ओढारमा जमेको पानीमा पौडी खेल्न गएका थिए।
प्रहरीका अनुसार असोज महिनामा कुलेखानी जलाशयको ड्यामका ढोका खोल्दा आएको बाढीले खोलाको सो क्षेत्रमा गहिरो दह बनेको थियो। स्कुल बिदाका कारण मामाघर गएका घोरसैनी दाजुभाइ स्थानीय सुसन आचार्यसँगै खोलामा नुहाउन गएका थिए।
वडा अध्यक्ष प्रताप भोम्जनका अनुसार अबेरसम्म घर नफर्किएपछि खोजी गर्ने क्रममा खोलाको किनारमा उनीहरूको कपडा र चप्पल फेला परेपछि डुबेको आशंका गरिएको थियो। खोजतलासपछि खोलामै उनीहरूलाई मृत अवस्थामा फेला पारिएको थियो।
मृत बालकहरूको शव पोस्टमार्टमका लागि हेटौंडा अस्पताल पठाइएको स्थानीय प्रहरीले जानकारी दिएको छ।
.jpeg)
Posts
