चैत २१ गते, दोधारा चाँदनी— दोधारा चाँदनी नगरपालिका–३ बडुवाल टोलमा आज बिहान एक वयस्क भाले जङ्गली हात्ती मृतावस्थामा फेला परेको छ। नेपाली भूमिभित्रै, सीमा क्षेत्रको नजिकै मृत भेटिएको हात्तीको पहिचान तथा अनुसन्धान कार्य जारी रहेको छ।
घटनाको जानकारी पाएपछि शुक्लाफाँटा राष्ट्रिय निकुञ्जको टोली, पशु चिकित्सक सहित, घटनास्थलमा पुगेको वडाध्यक्ष हरिसिंह धनाडीले जानकारी दिनुभयो। हात्तीको मृत्युको कारण अझै नखुलेको उहाँले बताउनुभयो। प्रारम्भिक अनुमान अनुसार, मृत हात्तीको उमेर ८ देखि १० वर्षको रहेको छ।
स्थानीय बासिन्दाले बिहान हात्ती मृत भेटिएको खबर गरेपछि अनुसन्धान सुरु गरिएको हो। यसअघि पनि, करिब दुई महिनाअघि लालझाडी गाउँपालिकाको जाँइ क्षेत्रमा एक हात्ती मृत फेला परेको थियो।
.jpeg)
Posts
