Breaking Posts

6/trending/recent
Type Here to Get Search Results !

स्याङ्जा रापाकोट पोखरा सम्पर्क समाजको भित्ते पात्रो विमोचन सँगै शुभकामना आदानप्रदान कार्यक्रम सम्पन्न -Brighter Network


पोखरा, चैत २० गते । स्याङ्जा रापाकोट पोखरा सम्पर्क समाजले आयोजना गरेको भित्ते पात्रो विमोचन एवम् नयाँ वर्ष २०८२ को शुभकामना आदानप्रदान कार्यक्रम बुधवार भव्य रूपमा सम्पन्न भएको छ। समाजका अध्यक्ष महेश्वर रिमालको अध्यक्षतामा सम्पन्न कार्यक्रममा प्रमुख अतिथि डा. भवानीशंकर पौडेलले भित्ते पात्रो विमोचन गर्दै रापाकोटबाट पोखरा आएर विभिन्न क्षेत्रमा रहेका सबै रापाकोटबासीलाई समेट्न आग्रह गर्दै यस्ता कार्यक्रमहरूले समाजमा आपसी भ्रातृत्व र एकताको भावना बढाउने उल्लेख गरे। 

त्यस्तै, निवर्तमान अध्यक्ष एवम् अधिवक्ता गोविन्द काफ्लेले समाजको निरन्तर योगदानको प्रशंसा गर्दै यो समाज स्याङ्गजाली पोखरा सम्पर्क समाजको पनि आजीवन सदस्यको रुपमा रहेको कुरा   उल्लेख गरे ।कार्यक्रममा समाजकी उपाध्यक्ष सिता लम्साल चापागाईँले स्वागत मन्तव्य राख्दै समाजको योगदानको प्रशंसा गरिन्। 

समाजका सचिव प्रेमलाल लम्सालले सञ्चालन गरेको उक्त कार्यक्रममा दरौंखोला सामीप्य समाजका अध्यक्ष बोधराज गौतम, दरौँ पोखरा सम्पर्क समाजका प्रतिनिधिहरू, साथै स्याङ्जाको साबिकको रापाकोटबाट पोखरा आएर विभिन्न पेसा व्यवसायमा संलग्न रहेका अस्थायी तथा स्थायी बासिन्दाहरूको उल्लेख्य उपस्थिति रहेको थियो। 

कार्यक्रमको अन्त्यमा उपस्थित सम्पूर्ण व्यक्तिहरूले नयाँ वर्ष २०८२ को शुभकामना आदानप्रदान गर्दै समाजका आगामी गतिविधिहरूलाई अझ प्रभावकारी बनाउने प्रतिबद्धता व्यक्त गरे।






Top Post Ad

post bottom ads

Ads Bottom