बिसीले भारतीय ग्याङस्टार लरेन्स विश्नोई र अनमोल विश्नोईको नाम लिँदै पाँच करोड भारतीय रुपैयाँ (अर्थात् आठ करोड नेपाली रुपैयाँ) फिरौती माग गरेको खुलासा भएको छ। उनले सामाजिक सञ्जाल ह्वाट्सएपमार्फत विदेशी नम्बर प्रयोग गरी धम्कीसमेत दिएको प्रहरीले जनाएको छ।
प्रहरी अनुसन्धान अनुसार, बिसीविरुद्ध यसअघि पनि विभिन्न आपराधिक मुद्दाहरू दर्ता भएका थिए। विसं २०६१ साउन २७ मा इलाका प्रहरी कार्यालय काँकडभिट्टाबाट मानव तस्करीसम्बन्धी मुद्दा चलाइएको थियो, जसमा उनले नेपाली युवतीलाई भारत लगेको आरोप थियो। त्यस्तै, विसं २०६२ चैत ८ मा सर्वसाधारणलाई धम्क्याई चन्दा असुली गरेको अभियोगमा झापा प्रहरीले मुद्दा दर्ता गरेको थियो।
यसैगरी, विसं २०६४ भदौ ९ मा काठमाडौँ प्रहरीले उनलाई फिरौती लिएको आरोपमा मुद्दा चलाएको थियो। प्रहरीका अनुसार उनले एक व्यक्तिलाई नियन्त्रणमा लिई ट्याक्सीमा राखेर धम्क्याउँदै फिरौती असुलेका थिए।
बिसीविरुद्ध कर्तव्य ज्यानसम्बन्धी मुद्दा पनि छ। विसं २०६४ मा भएको संविधानसभा निर्वाचनका क्रममा सुर्खेतको मेहलकुना जहरेबजार नजिक उम्मेदवार ऋषि शर्माको गोली हानी हत्या गरेको आरोपमा उनीविरुद्ध इलाका प्रहरी कार्यालय छिन्चुबाट मुद्दा दायर गरिएको थियो।
त्यसैगरी, विसं २०६५ चैतमा द्वन्द्वपीडित सेना प्रहरीको आन्दोलनका क्रममा प्रहरीको हतियार खोसेको अभियोगमा पनि उनीमाथि मुद्दा चलाइएको छ। प्रहरीका अनुसार बिसी अन्य आपराधिक घटनामा समेत संलग्न रहेको आशंका छ, जसका बारेमा थप अनुसन्धान भइरहेको छ।
.jpeg)
Posts
