नयाँ मूल्य अनुसार पेट्रोलको मूल्य पहिलो वर्गका उपभोक्ताका लागि प्रतिलिटर १५७ रुपैयाँ ५० पैसा, दोस्रो वर्गका लागि १५९ रुपैयाँ र तेस्रो वर्गका लागि १६० रुपैयाँ कायम गरिएको छ। यस्तै, डिजेल तथा मट्टितेलको मूल्य क्रमशः पहिलो वर्गका लागि १४३ रुपैयाँ ५० पैसा, दोस्रो वर्गका लागि १४५ रुपैयाँ र तेस्रो वर्गका लागि १४६ रुपैयाँ निर्धारण गरिएको छ।
निगमले चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्जलाई पहिलो वर्गमा, सुर्खेत र दाङलाई दोस्रो वर्गमा तथा काठमाडौँ, पोखरा र दीपायललाई तेस्रो वर्गमा राखेको छ।
इन्डियन आयल कर्पोरेशनबाट आइतवार प्राप्त पेट्रोलियम पदार्थको नयाँ खरिद मूल्यअनुसार प्रतिलिटर पेट्रोलमा ३ रुपैयाँ १५ पैसा र डिजेलमा २ रुपैयाँ ६२ पैसाले घटेर आएको जनाउँदै निगमले सोहीअनुसार स्थानीय बजारमा मूल्य समायोजन गरिएको स्पष्ट पारेको छ।
Posts
