स्याङ्जा, २०८१ चैत १७ – जिल्ला प्रहरी कार्यालय, स्याङ्जाले नियन्त्रित लागुऔषध सहित एक व्यक्तिलाई पक्राउ गरेको छ। प्रहरीका अनुसार, चैत १७ गते साँझ करिब ७:२० बजे वालिङ नगरपालिका–१० फुलबारी चोकस्थित सिद्धार्थ राजमार्गमा नियमित जाँचका क्रममा सो गिरफ़्तारी भएको हो।
वडा प्रहरी कार्यालय, वालिङ स्याङ्जाबाट खटिएको प्रहरी टोलीले सवारी साधनहरूको नियमित चेकजाँच गर्ने क्रममा बुटवलबाट पोखरा जाँदै गरेको प्र.नं. ३–०१००५ ख ९९०४ नम्बरको हाईस गाडीलाई रोकेर जाँच गर्दा एक यात्रुको साथमा लागुऔषध फेला परेको थियो।
पक्राउ परेका व्यक्ति चितवन, भरतपुर महानगरपालिका–२९ निवासी २७ वर्षीय सुजन गुरुङ रहेको खुलेको छ। गुरुङले आफ्नो खैरो रङको झोलामा लुकाएर ल्याएको ६ पत्ता (५५ क्याप्सुल) Tramadol Hydrochloride नामक नियन्त्रित लागुऔषध प्रहरीले बरामद गरेको छ।
हाल उनलाई आवश्यक कानुनी प्रक्रिया पूरा गर्दै थप अनुसन्धान भइरहेको जिल्ला प्रहरी कार्यालय, स्याङ्जाले जनाएको छ। प्रहरी स्रोतका अनुसार, यस किसिमको लागुऔषध ओसारपसारमा संलग्न अन्य सम्भावित व्यक्ति तथा गिरोहको पहिचान गर्न थप अनुसन्धानलाई तीव्र पारिएको छ।
.jpeg)
Posts
