मोरङ ,
मोरङको रतुवामाईमा शुक्रबार राति भएको एक दुःखद मोटरसाइकल दुर्घटनामा श्रीमान्–श्रीमतीको ज्यान गएको छ।
मोरङ ट्राफिक प्रहरी प्रमुख इन्स्पेक्टर राजन लम्सालका अनुसार रतुवामाई नगरपालिका–१ कल्याणपुरका ४२ वर्षीय सोम टुडू र उनकी श्रीमती ३५ वर्षीया वामनी हेमरामको ज्यान गएको हो।
दुर्घटना राति सवा १० बजे रतुवामाई–६ त्रिभुवन चोकस्थित आमबारी भित्री सडक खण्डमा भएको हो। को ९ प ७२९५ नम्बरको मोटरसाइकल आमबारीबाट उर्लाबारीतर्फ जाँदै गर्दा बिजुलीको पोलमा ठोक्किएर दुर्घटना भएको प्रारम्भिक अनुसन्धानबाट खुलेको छ।
दुर्घटनामा गम्भीर घाइते भएका दम्पतीलाई स्थानीयले उद्धार गरेर रंगेली अस्पताल पुर्याएपनि उपचारका क्रममा दुबैको निधन भएको प्रहरीले जनाएको छ।
दुर्घटनाको कारण मोटरसाइकलको तीव्र गति नै भएको अनुमान गरिएको छ भने घटनाबारे थप अनुसन्धान जारी रहेको प्रहरीले जनाएको छ।
मृतकको शव पोष्टमार्टमका लागि रंगेली अस्पतालमै राखिएको छ।
Posts
