पक्राउ पर्नेहरूमा टोखा नगरपालिका–१ का स्थायी बासिन्दा र हाल बुढानिलकण्ठ नगरपालिका–६ बसोबास गर्ने ३९ वर्षीय राजु बिक्रम राणा, ३५ वर्षीया रोशनी राणा, र कञ्चनपुरको बेदकोट नगरपालिका–१० घर भई हाल टोखा नगरपालिका–९ मा बस्ने ३३ वर्षीय भिमबहादुर महर रहेका छन्।
राजु र रोशनीले पोल्याण्ड पठाउने प्रलोभन देखाई एक पीडितबाट चार लाख १२ हजार रुपैयाँ लिएको, र भिमबहादुरले दुई पीडितबाट दुई लाख रुपैयाँ लिई सम्पर्कविहीन भएको उजुरीपछि प्रहरीले उनीहरूलाई पक्राउ गरेको हो।
काठमाडौं उपत्यका अपराध अनुसन्धान कार्यालय, टेकुबाट खटिएको टोलीले राजु र रोशनीलाई काठमाडौं महानगरपालिका–६ स्थित बौद्धबाट तथा भिमबहादुरलाई काठमाडौं महानगरपालिका–२६ बाट बुधबार नियन्त्रणमा लिएको प्रहरीले जानकारी दिएको छ।
प्रहरीका अनुसार उनीहरूलाई आवश्यक अनुसन्धान तथा कारबाहीका लागि वैदेशिक रोजगार विभाग, ताहाचल, काठमाडौं पठाइएको छ।
.jpeg)
Posts
